الفندق من البداية كانت تجربتنا فيه ممتازة، الموظفين متعاونين جدًا والاستقبال كان بحفاوة وترحيب. الفندق ما شاء الله كبير ومرتب، والشيء الحلو إن الاستقبال على شارع جانبي هادي وما فيه زحمة، وبالقرب منه سفن الفن ومحلات حجز الرحلات وغيرها من الخدمات.
ومن الجهة الثانية الفندق يطل مباشرة على شارع شاطئ باتونق الرئيسي، وحوله مطاعم وممشى، فالموقع جدًا ممتاز ومناسب للي يحب يكون قريب من كل شيء.
الغرفة مساحتها ممتازة ومريحة، والموظفين خدومين ومتعاونين في أي طلب. لكن نصيحة مهمة: لازم تتأكدون من محتويات الغرفة والحمام مع موظف الاستقبال وقت تسجيل الدخول، وتتأكدون إن كل شيء موجود ، لأن وقت تسجيل الخروج ممكن يحاسبونك على أي شيء ناقص من الغرفة أو الحمام.
بشكل عام تجربة جميلة وأنصح فيه، خصوصًا اللي يحبون السكن بموقع قريب من الشاطئ والخدمات.
إقامة رائعة بكل معنى الكلمة في Baan Laimai Beach Resort & Spa؛ الموقع ممتاز على الشاطئ مباشرة وعلى خطوات من Patong Beach وبالقرب من جميع الأماكن الشهيره، ما يجعل الوصول لكل شيء سهلًا وممتعًا. المسبح جميل وأجواؤه مريحة، والسبا يضيف لمسة استرخاء مميزة، كما أن وجود مطعمين يمنح التجربة تنوعًا وراحة أكثر. مكان يجمع بين الفخامة والجو الحيوي في باتونغ.
فندق موقعه جميل والغرف معقولة ولكن الإدارة سيئة للغاية، رغم إلتزامي بكل المعايير والضوابط بالفندق واحترام القوانين، إلا أنها ابتزوني ودفعوني غصب من قبل المسؤولة Fan وكذلك مسؤولة الغرف Goush بداعي وجود بقع من صبغة ملابس النوم وسأرفق لكم الأدلة وعلاوة على ذلك فقد لاحظت كل الزبائن اللي عاملين تسجيل خروج دفعوهم غرامات وهذا أجاف في حق هذه المنطقة السياحيه الجميلة
اولاً غير لبقين بالتعامل، وتعامل الاستقبال كل شيء بفلوس بالحجز تقول ماخترتو سرير منفصل او سرير كنج وقالت انتظرو لين تفضى احد الغرف انتظرنا ويوم طلعو ناس قالو لازم تدفع فلوس اذا بتاخذ سرير منفصل طيب حنى على كلامهم ماخترنا سرير كنج ولا سرير منفصل على اي اساس اذا ابي سرير منفصل ادفع زياده
