قبل شهرين
تجربتي في Crest Resort & Pool Villas – Phuket كانت جميلة جدًا، ومن الفنادق اللي فعلًا أنصح فيها. ⭐️⭐️⭐️⭐️⭐️ من أول ما وصلنا، اللوبي جميل ومرتب والاستقبال كان راقي جدًا، والأهم من المكان نفسه كان تعامل الموظفين؛ الابتسامة، الاحترام وسرعة المساعدة في أي طلب خلتنا نحس بالراحة من أول لحظة. وأحب أقدم شكر خاص لإدارة الفندق، وخصوصًا المدير Ciaran McNeill وResort Manager Edson II Villanueva على الاهتمام الواضح بالضيوف ومستوى الخدمة. وجود إدارة مهتمة بالتفاصيل يفرق كثير في تجربة الفندق، وهذا الشيء كان واضح خلال إقامتنا. 👏❤️ وشكر كبير جدًا لموظفة الـHousekeeping Phyu 🌹. كانت مهتمة بالغرفة بشكل ممتاز، نظافة وترتيب واهتمام بالتفاصيل، وحتى تركت لنا رسالة جميلة. تعاملها كان راقيًا وودودًا، ومن الأشخاص اللي فعلًا يخلون تجربة الإقامة أجمل. الفندق على منطقة مرتفعة، ويوفرون Buggy Car للتنقل داخل المنتجع والوصول للفلة واللوبي، والخدمة جدًا مريحة خصوصًا أن المنتجع مبني على تلة. بالنسبة للسكن، أنصح وبقوة بـ Pool Villa بإطلالة مباشرة على البحر 🌊😍. إذا جيت مرة ثانية، هذا أول خيار باخذه؛ الخصوصية والمسبح والإطلالة خصوصًا الصبح تستاهل. الفطور طيب ومتنوع، والخدمة فيه ممتازة. الموقع أيضًا مناسب؛ بعيد عن إزعاج وزحمة باتونج وفي نفس الوقت قريب منها، تقريبًا 10 دقائق بالسيارة إلى Patong. والفندق يوفر Shuttle Bus مجاني بأوقات محددة، وهذا شيء ممتاز إذا ما تبي تستخدم تاكسي كل مرة. وفيه 7-Eleven قريب من الفندق، وهذا مريح جدًا للمشروبات والسناكات والأغراض اليومية. بشكل عام، الفندق ممتاز للأزواج وشهر العسل ❤️. الهدوء، الفلل، إطلالة البحر، المسبح الخاص، تعامل الموظفين والاهتمام بالتفاصيل كلها خلت التجربة مميزة. تقييمي: 9/10 ⭐️ وأهم نصيحة عند الحجز: إذا ميزانيتك تسمح، خذ Pool Villa بإطلالة بحر — تستاهل الفرق. 🌊👌
