منتجع كورا بيتش بوكيت

Eisa Alhosani

قبل شهرين

الفندق جميل جدًا ومكانه هادي ومريح، وبالنسبة للسعر أشوف إن المكان يستاهل. وأحب أشكر إدارة الفندق على تعاملهم الراقي واهتمامهم بالنزلاء. خيروني بين المطعم الموجود في الفندق أو إني أطلع لمكان ثاني للعشاء، ونصحوني أروح Porto de Phuket، وكانت نصيحتهم موفقة جدًا؛ المكان جميل وفيه خيارات كثيرة للمطاعم والأجواء حلوة خصوصًا في المساء. بشكل عام، تجربة جميلة

israa ferrache

قبل 4 أشهر

فندق Kora Beach Resort كانت إقامتي فيه رائعة جدًا. الخدمة ممتازة والموظفون متعاونون لأبعد الحدود، وكل الطاقم ودود ومحترم ويهتم براحة النزلاء بشكل جميل. فطور الصباح كان لذيذ، ويوجد بعض الخيارات الحلال المناسبة. أكثر شيء أعجبني هو هدوء المكان، الفندق مناسب جدًا لمن يحب الراحة والاستجمام بعيدًا عن الإزعاج. أنصح أيضًا بتجربة كراء الدراجات الهوائية من الفندق، لكن الأفضل تأخذوها من الصباح حتى تلقاوها متوفرة. المنطقة هادئة جدًا وممتعة للتجول، وفيها أماكن جميلة جدًا للتصوير. كانت تجربة مميزة فعلًا، وأشكر جميع العاملين على حسن الاستقبال والخدمة الراقية

toqa alanbry

قبل 3 أشهر

المنتجع جميل و هاديء و منعزل و المهم نظيف جداً.. الخدمه فيه ممتازة سواء للغرف او خارجها و سريعين التجاوب. الغرفه حتى لو إطلالة على البحر ما تقدرون تشوفون البحر بوضوح لوجود الاشجار الكثيف يعني خذوا غرف عاديه. الاكل عندهم ممتاز. يعيب المنطقه مافيها بقالات او شيء قريب مثل خدمات غسل الملابس و الصيدليات وممكن تطلبون من قراب اذا احتجتوا شيء. ‏Tan & Nut كانوا مميزين بخدمتي.

omar abduh

قبل شهر

الفندق 5 نجوم و يعتبر منتجع بس البحر مو خاص بالفندق و البحر باطلالته رهيب جدا و مو مزدحم يعني تاخذ راحتك و تنبسط اقامتي بالفندق كانت 5 ايام و اول م سويت تسجيل دخول ما قصروا و سوو لي ترقية مجانية لغرفة اكبر و مطلة على المسبح و البحر يعيب الغرف حق الفندق انه الخصوصية معدومة بمجرد م تفتح الستارة تنكشف على اللي حولك بالادوار الخمسة او الاربعة كلها فتضطر تكون مقفل الستارة على طول و الاضاءة سيئة ثانيا خصوصية دورة المياه بالنسبة لي م عجبتني عبارة عن قزاز كامل و باب قزاز يعني م فيه خصوصية ابدا و ما تناسبنا كعرب يمكن ، الافطار متنوع بس الاكل اللي يناسبنا و حلال قليل جدا ي دوب بيض و توست و عصير و فواكه فالخمس ايام كان فطورنا كذا فيه تنوع للاجانب عموما المنتجع بصفة عامة اجانب فل و بالذات الروسيين و نادر تحصل خليجي او عربي و ما الومهم يعني غير عن الخصوصية المكان بعيد جدا جدا عن اغلب الفعاليات و بولت و قراب راح يحلبونك حلب في التوصيل و كنت اواجه مشكلة ان اغلب السواقيين يكنسلون الرحلة و يطلبون اني اكنسلها لان المكان بعيد فكنت اطول انتظر احد يحن و يعطف و يوصلني للفندق واقل وقت لاقرب مشوار تاخذ تقريبا نص ساعة لو محظوظ و الخط مو مزدحم لكن مثلا من باتونق الى الفندق تاخذ من ساعة الى ساعة و نص بالراحة للاسف يعتبر في منطقة ما حولها شيء لا بقالات و لا اي حاجة اقرب بقالة 15 دقيقة بالسيارة او الدباب و الفندق ما يقصر بعد موفر سيارة تنقل مجانية عشان تشتري من البقالة لها اوقات محددة باختصار الفندق مناسب للي يبحث عن الهدوء و الروقان اما صاحب الانشطة و الفعاليات م انصح يسكن فيه لانه بعيد مرة بعيد ي اخوان لا يغركم قوقل بالحقيقة الخط زحمة و كله لفات و ياخذ وقت طويل وباختصار منتجع عبارة الهروب عن ضجيج المدينة و باتونق و الراحة في شاطىء رهيييب جدا و هادىء.