قبل شهرين
الفندق جميل ، الغرف واسعة اللي حبيته معهم وأشوفها ميزة فيه ان لما تحجزي الغرفة تحجزي معاها الغرفة المتصلة على طول ، هم مخلينه كخيار أثناء الحجز ، وهذا أهم شي لان تضمن انك تكون ف غرف متصلة خاصة اذا معك أطفال ، اغلب الفنادق يقولولك حسب التوافر .. سعر الفندق للغرفتين كان ممتاز جداً في حدود 43 ريال تقريباً ، حجزت الفندق عن طريق بوكنج ، وصادف يوم ميلاد زوجي ف رسلت لهم اني أريد اعمل له مفاجأة ، وكان عندهم باقات لحفلات الميلاد ، اخترت الباقة اللي سعرها 1500 بات ، تشمل التزيين والبالونات والكيكة وهدية ( سلحفاة ) ، وما قصروا بصراحة زينو الغرفة وكانت جميلة واول ما شغلنا التلفزيون اشتغلت اغنية الميلاد ، كان تنظيم ولا اروع الغرف المتصلة معاهم بعد فيها ميزة ، بابين ف بعض تفتح بابك بس ما تقدر تفتح باب الغرفة الثانية الا اذا هو فتح لك الباب ، وهذا شي حلوو للخصوصية + يمنع الاصوات موقع الفندق قريب جداً من المطار تقريباً 7 دقايق ولهالسبب حجزنا فيه ليلة وحده بس ويوفر خدمة النقل للمطار مقابل 520 بات تقريبا ، وهو قريب من الشاطيء وقربه سفن إلفن وسوق شعبي يبيع الفواكه والملابس والهدايا التذكارية ، والسبب الثاني انه ايضاً قريب من كوفي ماا دوو تبع اوراق اللوتس ف خلينا زيارة الكوفي لهاليوم المنطقة جداً جميلة ، تتوفر فيها مطاعم قرب الشاطيء وفيه مطعم اكله لذيذ ما صورت اسمه بس ما يستخدم لحم الخنزير .. اللي ما حبيته في المنطقة ان وايد فيها كلاب 😢 لدرجة ان الكلب جالس في نص بقالة سفن الفن منسدح ما حبيت ما حسيت مريح الوضع للي يخاف من الكلاب مثلي 😐😐 الافطار متواضع معاهم ، وبسيط جداً وما ناسبني ما فيه الأشياء اللي ناكلها غير البيض والخبز ، اغلب الاطعمة ما تناسبنا
