قبل 10 أشهر
يعتبر بعيد عن معظم الاماكن السياحيه لكن بالقرب من تاجير الخيول و كرنفال ماجيك و فانتاسي و مكانه ممتاز لعرض الألعاب الناريه جهه البحر في راس السنه استقبال الفندق ممتاز ، وصلت للفندق الساعه 9:30 الصبح لكن الغرف غير متوفره و حاول الاستقبال بالمساعده و بالفعل في نفس الوقت قدموا لي و لعائلتي افطار مجاني عند الوصول و استخدام المسابح على ما تجهز الغرف و عطوني اول غرفه الساعه 11:30 تقريبا بالنسبه لخدمات الفندق حوضين فيهم الزحلاقيات الكبيره كان مغلقين في اليوم اللي استخدمت الاحواض و زحلاقيه وحده مفتوحه و المفروض في 3 الريوق ما استخدمته الا يومين من اصل 8 لان الصراحه مستوى متدني (دهني) و الخيار غريب طعمه و مافي جزر و صوص الكاكاو غريب و الكرواسون كانه خبزه بس شكلها كرواسون و الهاش براون ينقط دهن و عند زيارتي التوست الابيض خالص و الموز كذالك و طلبت منهم و يابوا لي بس المفروض يكون في تنظيم افضل كان زحمه و غير مريح منيو الاكل في الغرف كيو ار كود لكن بالغرفتين ما يشتغل و لازم تدخل على ويب سايت الفندق و تدخل على المطعم و تشوف المنيو و الرسيبشن يقول مو حلال و المطعم يقول برجر اللحم و الدجاج حلال و وصل لي الطلب في اغلاط الغرف ممتازه فيلا بحريه و قريبه من المسبح و البحر و كبيره تكفي 4 بالراحه لكن الشور في مشكله بالغرفتين اللي اخذتهم ما يشتغل الدش بس يشتغل اليدوي مالت الشور و دش كل شوي يفصل و يرد على اليدوي ما كان في كريم للجسم و لا بلسم شي غريب بالنسبه لي خاصتا ان منتجع بحري يعتبر و تركيزه على السباحه و الاحواض لكن هذه اول تجربه لي بتايلاند و ممكن هذا سيستم الفنادق فوط المسابح يعطونك كروت على عدد اللي معاك و ما يعطونك الا لما يكون معاك كرت و لازم ترد الفوط عشان يردون لك الكرت ( يعني اي واحد يضيع فوطه و لا كرت ممكن ياخذ فوطه من اي مكان و يردها و انت تبتلش) و اذا ضاع الكرت عليك غرامه و مكان استلام الفوط يسكر قبل لا تسكر الاحواض يعني لازم تاخذ قبلها بوقت التقييم نزلته الى 3 مقارنه السعر مع الخدمات لا يستحق اكثر من 4 نجوم كفندق الليله الوحده للغرفه الوحده تقريبا 15،500 بات مناسب لراس السنه و اللي يبي يكون قريب من فانتسي و كرنفال و تاجير الخيول و شاطئ هادئ و رملي لا انصح اذا تبي مولات قريبه و خدمات و انشطه اخرى مثل المدن المائيه و عروض الطيور و الدلافين و الاسود و النمور و السيرك و ركوب الفيله و اقدر كل التقدير من الفندق بالسماح لنا باخذ غرفه قبل الموعد المتفق عليه ب تقريبا 3 ساعات و تقديم افطار مجاني عند الوصول
