قبل سنة
سوف انقل تجربتي بكل تفاصيلها اولا اشكر مدير الفندق مستر بيتر على رحابة صدرة ولطفه وتفهمه مدير رائع حقيقي انا اول مرة في فندق اشوف مدير الفندق متواجد في كل مكان حرفيا حتى في الفطور يساعد النزلاء ويصبح عليهم بصراحة جميع الموظفين في الفندق رائعين وبشوشين وخدومين كانهم كتلة واحدة في طريقة عملهم متكاتفين ويعملون بحب طيب نجي للفندق اولا انا انسانه اخاف من الوزغ والحشرات وما كنت اعلم انو الفندق فعليا يعتبر غابه وفي الغابه تشوف كل شي اول يوم ماقدرت انام من القلق انو يدخل اي شي الغرفة وقررت اغير الفندق وارسلتلهم اني اخاف وماقدرت انام من القلق والخوف تجاوبو معايا وطلب المدير بيتر انو يقابلنا وروحنا قابلناه كان انسان رااااائع تفهم خوفي وقالي اللي تبغيه نعملك هوا تحبي تخرجي نرجعلك فلوسك وتمشي مع انو حجزي غير مسترد ، لكن قالي انو ترى في كل مكان حتلاقي الوزغ وفعلا في كل مكان موجودين حاولت اتأقلم مع الوضع لانو الفندق مايتفوت وجدا مستمتعة بالطبيعة الخلابه وروح المكان وكمية الراحة النفسيه وكان الجو مطر لمدة ٣ ايام وغيوم ماشفنا الشمش الا اخر يوم بصراحة مستر بيتر كمان ارسل للغرفة مهندس يشوف اذا في اي فتحات في الابواب وحطولي جلود عليها عشان اتطمن اكثر ولكن والله مافي اي شي داخل الغرفة الحمدلله خليني اذكر المميزات والسلبيات للمكان المميزات موظفين رائعين خدمة ممتازة فطور ممتاز النظافة رائعة جدا الطبيعة خلابه مهتمين ب ادق التفاصيل يعني مثلا حاطين في الغرفة صنادل وسليبرات وشنطة للبحر وبخاخ ناموس طبيعي كل منتجاتهم من روائح الطبيعة مثلا مستخدمين الياسمين واعواد الليمون اللي يحب الهدوء والاستكنان ومايخاف من الحشرات والوزغ والضفادع هاذا المكان رائع لك الشاطئ نظيف وكبير عندهم خدمة النقل من والى المطار وسيارة خاصة لكم فقط شي فخم ورائع السلبيات الموقع قريب جدا من المطار ٧ دقايق يعتبر في شمال بوكيت وبعيد جدا جدا عن وسط بوكيت يعني اقل شي ٤٠ دقيقه كل الانشطة كمان تعتبر بعيدة ولكن اللي مايبغى يروح وسط بوكيت ف المكان يعتبر ممتاز الشاطئ عام خارج الفندق بس بينهم شارع صغير دقيقتين مشي اسعار المطاعم داخل المنتجع تعتبر غالية بس في بدائل خارج الفندق ع البحر كويسه في مطعم اسمو كوكو بيتش كويس وفي مطعم حلال كمان بس ناسيه اسمو لكن مو مرة لذيذ الإضاءة في الفندق كاااامل خافته جدا جدا يعني في الليل يعتبر الخارج مظلم طبعا كثرة الباعوض دا شي طبيعي ولكن اتمنى انهم يكثرو من بخ المبيدات الحشرية ولكن اتوقع انو هما محافظة ع الطبيعة مايبخو اشياء كيميائية الجولف يتاخر احيانا بالذات وقت المطر اخذت جناح مع مسبح خاص الخصوصية ماكانت ١٠٠٪ تقريبا ٧٠-٨٠٪ هل سأكرر الزيارة او لا !؟ ممكن جدا اكررها بالذات لو الجو ممطر وغيم شي من الخيال سبحان الله
