قبل 3 أشهر
قريت اكثر تعليقات قوقل ماب والصدق كنت متردد احجز بس دايم مااحكم على الشي الا اذا جربته فا بقول تجربتي بناءاً على التعليقات الايجابيات: الغرفه تعتبر ممتازه ووسيعه والفندق بعد كبير والغرف كثيره يعني ماتشيل هم انه ممكن يتفلل(طبعاً تحليل من راسي) واهم شي لاحظته بالتعليقات انه مكتوب يطلبون تأمين او يأخذون ارقام البطاقة لحجز مبلغ معين وهذا غير صحيح حجزت بشكل اكتروني ويوم حجزت من عندهم ماطلبو اي شي. الفندق قريب منه سيفن اليڤن ثلاث فروع كلها قريبه يمكن 3 دقائق. الفندق قريب من المطار اعتقد نص ساعه فقط والاستقبال اغلبهم يتكلم عربي الي يشيل هم والفندق اكثره من الجاليه المسلمه يعني صينين وخليجين واتراك وماليزيين وكذالك قريب من الميترو يبعد تقريباً 10 دقائق بوفيه الافطار وهو الاهم جيد الى عادي وميزته انه حلال. السلبيات: صح انه الاكل حلال ولكن حنا كا عرب مااعتقد يناسبنا كثير فيه لانه اكثر الاكل اسيوي عن نفسي مااخذت الا بيض. الدش ماهو مرتفع يعني لازم تدنق انا عن نفسي ماهي فارقه معي المهم الواحد يتروش وخلاص المكواة والسليبر الله يكرمكم البعض يشوفها مهمه خصوصاً المكواة لكن للاسف ماهي موجود وحتى الفراشة ومعجون الاسنان مدري اذا عندهم لكن ماحصلتها بالغرفه. الدريشة على كبرها لكن للاسف ماتفتح الي يفتح بس ثنتين على جنب وحجمها بحجم الكف تقريباً يعني عادي اهم شي تتهوى الغرفه والمكان بعيد شويتين عن اهم الامكان يعني كنت بروح لمول لكن طلع يبعد ساعه الا ربع ان شاءالله مانسيت شي لكن قلت اهم الاشياء الي شفت الناس تتكلم عنها وقلت اوضحها وبالاخير انصح الناس تجي وتشوف الغرف بعينها افضل شي اخيراً واهم نصيحه شيكو ع موقعهم يسون عروض يعني اخذت الفندق بمبلغ وقدره من عندهم دخلت الموقع لقيته ارخص بقريب المية ريال فا شي مره خورافي الصدق خصوصاً اذا عددكم كبير وبالاخير اشوف الفندق يناسب العوائل اكثر شي بعيدًا عن ازعاج المدينه واعتقد راح اكرر زيارتي للفندق اذا جيت مع عائلتي بالمستقبل
