قبل شهرين
الفندق كنت جدا جدا متحمسه له، كأنكم بغابه ولكن للأسف ما استوعبت ان مدينة "هوتشي من" مدينة تسوق والفندق جدا بعيد عن وسط المدينه فتحسون نفسكم بمقطعه، هالنقطه ابدا ما حبيتها. 📍 كذلك عندهم جدول يومي تمارين باوقات معينه وكلاسات طبخ وكلاسات مخصصه للأطفال مره عجبني التنظيم لكن ما امدى اروح لولا فعاليه للأسف، حاسه الفندق هذا لو كان بجزيرة جدا افضل. 🗓️ ثانيًا الغرف حلوه وكبيره ولكن في مشكله كبيرررررره بالعزل وفي فتحات كثيره بحيث الباب وحتى وهو مسكر فيه فتحه كبيره تدخل منها الحشرات والأبارص وهذا الشي الي خلاني اكره الفندق ومستحيل ارجع له لأن موضوع الحشرات ما كان مريح ابدا. حتى السرير حاطين عليه ناموسية (شبكة) ومره مو مريحه مقدر اشوف الغرفه كامله او اشوف التلفزيون او استعمل الكمدينة بأريحيه مره تعيق. 🦎 + كمان العزل اثر على الاصوات كنا نسمع أصوات مزعجه وقت الصباح وخلال اليوم كأنه صوت عمال او مطبخ 👂🏼 + كذلك عشان الخصوصية ولأن باب الغرفه زجاجي كبيرررر فكان لازم طول الوقت اخلي الستاره مسكره، وكمان عشان مشكلة الباب والعزل نور الشمس يدخل الصباح☀️. ثالثًا الخدمة كويسه والفطور لذيذ 😋ويخصصون لكم موظفة تتواصل معكم واتس اب لو احتجتوا اي شي وتجاوبها سريع جدا❤️، لكن اول يوم وصولنا كان متأخر وبلغنا الموظف ان لو نحتاج شي نضغط على رقم معين بتلفون الغرفة وقال لنا بكره بيزودنا برقم الموظفه واتس اب أفضل لان مع الزحمه مرات ما يردون على تلفون الغرفة! وخلال دقائق من خروجه كلمت بالتلفون احتاج شي وانصدمت ان محد يرد رغم ان المنتجع مره مره صغير فيه كم غرفه فقط معرف وين الزحمه؟ فانتبهوا ان الفندق هذا بالليل كل شي يسكر مافي احد يرد عليكم لو تحتاجون مويه او منشفه او حتى أكل وخلقة انتم بمقطعه 😭🙅🏻♀️☎️ كذلك تضايقت ان اخر ليلة سألتني الموظفه متى بتروحون المطار بكره قلت لها ٧:٣٠ صباحًا وسالتني اذا احتاج شي وقلت لها لا شكرا. فجأه من الساعه ٧ يدقون علينا بالغرفه واحنا نايمين! اول مره سكرت التلفون بوجههم بالغلط لأني نايمه🤷🏻♀️ الا يدقون مره ثانيه ورفعت السماعه وتركتها مفتوحه عشان محد يدق ثانيه تفاجئت دقوا مره ثالثه ورديت، سالتني الموظفه اذا السواق الي برا تبعنا؟ قلت لها اولا انتي مو بس قومتيني رغم اني ما طلبت خدمة الافاقة ثانيا مشكلة كبيره اذا تسألين هذا سواقنا او لا يعني قومتيني وانتي مو متأكده !!؟ انا اشكرهم على اهتمامهم واتفهم حرصهم🌹، ولكن انا ما طلبت تقوموني وتتصلون ٣ مرات! يمكن انا قررت اروح ٨ يمكن انا تكنسلت رحلتي! مو مشكلتي السواق جا بدري. هم موضوع الدخول والخروج عندهم صعب في بوابه وحراسه .. باختصار بهذا الفندق عطاني شعور وatmosphere بيت مو فندق.
