رمادا بلازا باي ويندهام تشاو فاه بوكيت

شيمة الياسي

قبل 10 أشهر

موقع الفندق قريب جدا من المدينة القديمة بوكت .. ومن كوفي القرود الثلاث .. ومصنع اللولو الطبيعي .. والحديقة المائية .. وسنترال بوكت.. الموقع خطير وقريب من كل شيء تقريبا حلو في بوكت.. انصح فيه وبقوة .. صح قبل لا انسى المساج عندهم عالم ثاني من الاسترخاء والدلع والشغل العدل..تجربتي في هذا الفندق بكرره للمره المليون ..

RawaXx

قبل سنة

اعطي الفندق 7/10 جيد الموظفين خدومين وسريعين الا لما طلبتهم يقفلون الموسيقى. موقع الفندق ممتاز جمب الاولد تاون و انداماندا و فعاليات ثانيه. ممكن تروحون له وبعدها تنقلون لفندق ثاني قريب من الشاطئ. الغرفه حجمها كبير لابأس به وريحتها حلوه والاثاث جيد ، الحمام حجمه وسط ودفع المويه مو احسن شيء ، السرير حلو ولكن المخدات غير مريحه . البوفيه فيه اكل حلال ولكن قليل ( حسب قولتهم ) و ريحة المكان سيئه لان اغلب الاكل اسيوي لو اخذته مره ثانيه باخذه بدون فطور. المسبح حلو ورايق بس ما دخلته كان فيه صوت موسيقى مزعج جدا جدا ما خلاني انام وكلمتهم و ما فيه استجابه ( سكنت في الدور الخامس)

Aziz

قبل سنتين

من افضل فنادق الخمس نجوم في بوكيت، هادئ وموقعه مناسب للي مايفضل تغيير الفندق طول فتره اقامته، تقريبا في منتصف المدينه قريب جدا من وسط المدينه وسوق شيلفا ومولات بوكيت. اما الشواطئ متوسط الوقت لاي شاطئ تخطط تروح له 20-30 دقيقه بعكس اذا سكنت بجانب شاطئ معين بعض الاماكن راح تكون قريبة جدا وبعضها بعيده جدا. الافطار ممتاز، الطاقم متعاون جدا (طلبت ترك جزء من امتعتي لمده 3 ايام وكانو متجاوبين ومرحبين جدا) يعيبه شيء واحد فقط المطعم الي تحت بطيء جدا اذا فكرت تتعشى فيه والاكل متوسط نوعا ما كخيارات وطعم. واخيرا نقطه قد تعم البعض، الفندث يكاد يكون القندق الوحيد الي وجدته يعطيني سعر عادل نفس ماهو موجود على منصات الحجوزات اونلاين بعكس بقية الفنادق اذا حجزت في الاستقبال يكون السعر اعلى بما لا يقل عن 15-20%

Yahya Alshabibi

قبل 9 أشهر

الفندق نظيف و ما عليه كلام بس بعيد عن كل الخدمات اقرب دكان مشي ١٠ دقائق لكن الفندق يوفر و عنده ميني مارت صغير و الإفطار جميل و فيه اكل الحلال و الفجتيرين فود