قبل 3 أشهر
للأمانة، حجزت هذا الفندق لمدة أسبوع، لكن ما قدرت أجلس فيه حتى ليلة وحدة، واضطريت أكنسل باقي الليالي وأطلع. من أول ما وصلنا بدأت المشاكل. حجزنا كان لـ3 أشخاص، والمفروض يكون فيه Extra Bed، لكن اعتبروا الصوفا هي السرير الإضافي! ومشيت الموضوع بالبداية وقلت مو مشكلة. أول ما دخلت الغرفة انصدمت، الغرفة صغيرة جدًا حتى على شخص واحد، والإضاءة كانت خافتة بشكل مزعج. بعدها فتحت الصوفا، ولقيت تحتها غبار ووصخ متراكم بشكل واضح. حاولت أتغاضى وأعطيهم فرصة. لكن المشكلة الأكبر كانت في الحمام. مكان الشاور هو نفسه البانيو، وتصريف الماء كان شبه مسدود، وكل الماء يتجمع. بلغتهم بالمشكلة، واضطريت أطلع من الفندق تقريبًا 8 ساعات عشان يصلحونها وينظفون الغرفة بشكل كويس. رجعت بعد كل هالوقت، وانصدمت إن الغرفة تقريبًا مثل ما هي! كل اللي سووه إنهم شالوا الوصخ اللي تحت الصوفا، حتى ترتيب السرير ما كلفوا نفسهم يسوونه. أما الحمام فكان منظره جدًا سيئ، فيه شعر وأوساخ من بعدهم !! أعتذر عن الصور، لكن هذي للأسف الحقيقة. الشيء الإيجابي الوحيد كان الموظف مايك، كان محترم جدًا وحاول يساعد ويحاول يحل المشكلة من جهته، وتعاملُه كان راقٍ وأشكره على مجهوده، لكن بصراحة الموضوع أكبر منه. في النهاية، ما حسيت بأي راحة أو نظافة، فشلت أغراضي، وكنسلت باقي الليالي، وانتقلت لفندق معروف. للأسف كانت من أسوأ تجارب السكن اللي مريت فيها، وما أنصح فيه أبدًا النظافة والراحه معدووومه
